انگریزی زبان سیکھنے کا سنہری موقع ، اب آپ کسی بھی وقت، کسی بھی جگہ تجربہ کار اساتید سے آن لائن انگریزی زبان سیکھیں

انگریزی کورس کا نصاب/ داخلہ فیس کی تفصیلات

انگریزی زبان کی اہمیت اور جغرافیہ

انگریزی (English) انگلستان اور امریکہ سمیت دنیا بھر میں وسیع پیمانے پر بولی جانے والی زبان ہے، جو متعدد ممالک میں بنیادی زبان کے طور پر بولی جاتی ہے، جبکہ دنیا کے بہت سے ممالک میں ثانوی یا سرکاری زبان کی حیثیت رکھتی ہے۔ انگریزی دنیا میں سب سے زیادہ پڑھی اور سمجھی جانے والی زبان ہے، جبکہ عمومی طور پر یہ دنیا بھر میں رابطے کی زبان سمجھی جاتی ہے

مادری زبان کے طور پر دنیا کی سب سے بڑی زبان "جدید چینی” ہے، جسے 70 کروڑ افراد بولتے ہیں، اس کے بعد انگریزی ہے جو اکثر لوگ ثانوی یا رابطے کی زبان کے طور پر بولتے ہیں، جس کی بدولت دنیا بھر میں انگریزی بولنے والے افراد کی تعداد ایک ارب سے زیادہ ہے۔

دنیا بھر میں تقریباً 35 کروڑ 40 لاکھ افراد کی ماں بولی زبان انگریزی ہے، جبکہ ثانوی زبان کی حیثیت سے انگریزی بولنے والوں کی تعداد 15 کروڑ سے ڈیڑھ ارب کے درمیان میں ہے۔ پاکستان، انڈیا اور بنگلہ دیش میں یہ زبان آہستہ آہستہ وسعت پکڑ رہی ہے۔

انگریزی مواصلات، تعلیم، کاروبار، ہوا بازی، تفریحات، سفارت کاری اور انٹرنیٹ میں سب سے موزوں بین الاقوامی زبان ہے۔ یہ 1945ء، میں اقوام متحدہ کے قیام سے اب تک اس کی باضابطہ زبانوں میں سے ایک ہے۔

لسانی خصوصیات

انگریزی سیکھنے کے لیے جن دیگر وجوہات کا ذکر کیا جا سکتا ہے ان میں سے ایک انگریزی سیکھنے کی سادگی ہے۔ تاہم، کسی زبان کی مشکل یا آسانی کا انحصار زیادہ تر سیکھنے والے پر منحصر ہے۔ لیکن یہ یقینی طور پر کہا جا سکتا ہے کہ انگریزی سیکھنا تمام یورپی زبانوں (جرمن، فرانسیسی، ہسپانوی، اطالوی، وغیرہ) سے آسان ہے!

اسم کی کوئی جنس نہیں (جرمن اور فرانسیسی کے برعکس)،

فعل کا کوئی استعمال نہیں (جرمن، فرانسیسی، روسی، عربی، ہسپانوی اور فارسی کے برعکس!)

لکھنے کے لیے لاطینی رسم الخط کے حروف کا استعمال (ہندی، چینی، روسی، عبرانی کے برعکس)، اردو اور انگریزی زبانوں کے درمیان مشترک الفاظ کی موجودگی انگریزی زبان سیکھنے کی سادگی کی وجوہات میں سے ہیں۔

انگریزی کےذریعے،تعلیم بھی کمائی بھی

انگریزی بین الاقوامی زبان ہونے کی وجہ سے ہماری کمیونیکیشن ٹارگٹ کمیونٹی کو بہت وسیع بنا سکتی ہے۔

انگریزی زبان دنیا کے بہت سے علوم کی سرکاری زبان ہے اور بہت سی نامور یونیورسٹیاں اور سائنسی مراکز اس زبان کو استعمال کرتے ہیں۔ لہٰذا یہ کہا جا سکتا ہے کہ انگریزی زبان سیکھنا براہ راست آپ کی تعلیمی ترقی کو متاثر کرتا ہے۔ اور آپ انگریزی سیکھ کر آسانی سے اپنی صلاحیتوں کو بڑھا سکتے ہیں۔

انگریزی زبان سیکھ کر ملازمت کے کئی مواقع ڈھونڈے جاسکتے ہیں! جیسےانگریزی زبان کی تدریس کرنا، انگریزی متن کا اردو میں ترجمہ اور اس کے برعکس، کاروباری اور تجارتی کمپنیوں کے بین الاقوامی تعلقات عامہ میں ملازمت جیسی فرصتیں چند مواقع میں سے ہیں۔

سیروسیاحت اور انگریزی زبان

اگر آپ کو لگتا ہے کہ انگریزی آپ کو صرف امریکہ، برطانیہ اور کینیڈا جیسی جگہوں پر لے جا سکتی ہے، تو ہم آپ کو ایک بڑی خوشخبری سناتے ہیں کہ پوری دنیا میں انگریزی بولنے والے 50 سے زیادہ ممالک ہیں۔ یہ تو وہ ممالک ہیں جہاں انگریزی سر کاری زبان کے طور پر ہے ان کے علاوہ تقریبا پوری دنیا میں انگریزی غیر سرکاری دوسری زبان کے طور پر ہے۔ یہاں تک کہ چین جیسی جگہوں پر جہاں دوسری زبان بہت کم بولتے ہیں آپ کو اس کے شہروں میں بھی انگریزی بولنے والوں سے ملاقات ہوجائے گی۔
اگر آپ سیاحت پسند شخص ہیں اور آپ کو دنیا کی سیر کا شوق ہے، تو انگلش آپ کے اس شوق میں بڑا معاون ثابت ہوگی۔

انگریزی زبان، تبلیغِ دین کی فرصت

انگلش زبان مخاطب پوری دنیا میں جس کثرت سے پایا جاتا ہے، اس اعتبار سے حقیقی اسلام کی تعلیمات پہنچانے کیلئے ایک بڑا میدان ہے۔

مغربی تہذیب اس وقت زندگی کے تمام میدانوں میں "دین سے دوری” کے نتیجے میں جس دلدل میں پھنس چکی ہے،اس کی نجات کا واحد راستہ الہی آفاقی تعلیمات کی طرف رجوع کرنا ہے۔اگر آپ انگلش زبان پر مسلط ہیں تو موجودہ دور کے مواصلاتی ذرائع(انٹرنیٹ،سوشل میڈیا) کے ذریعے سے مغرب زمین پر موجود سرگردان،تشنہ فطرتوں کو توحید کے پیغام سے آشنا کرسکتے ہیں۔

انگریزی،سائنس کی زبان

انگریزی یقینی طور پر جدید دنیا میں سائنس کی زبان ہے، جس میں ایک اندازے کے مطابق 98% سائنسی اشاعتیں اس زبان میں لکھی جاتی ہیں۔

انگریزی سائنس میں مواصلات کی عالمگیر شکل ہے۔ اگرچہ بہت سے ممالک اب بھی اپنی مادری زبان میں جرائد شائع کرتے ہیں، لیکن انگریزی اس وقت دنیا کے دوسرے حصوں میں سائنس دانوں کے ساتھ اپنے تحقیقی نتائج کا اشتراک کرنے کا بہترین طریقہ ہے۔

انگریزی زبان،مغربی تہذیب کو سمجھنے کا اہم وسیلہ

مغربی تہذیب جو تاریخی ادوار سے گذر کر یہاں تک پہنچی ہے،انگریزی زبان سیکھ کر اس تہذیب کی اصلی تصویر جس سے اکثریت آشناء نہیں،ان کیلئے آگاہی کا ایک میدان فراہم ہوتا ہے۔ مشرق زمین پر نازل ہونے والی بدبختیوں میں مغرب زمین کی کارستانیاں،انسانی حقوق کے نام پر بشریت کو حیوانیت سے نچلے درجے تک پہچانے،اسلامی ممالک کے قدرتی وسائل،معدنی ذخائر پر ڈاکہ ڈالنے والی اس تہذیب کی حقیقت کو سمجھنے کا ایک اہم وسیلہ خود یہ زبان سیکھنا ہوسکتا ہے جس کے ذریعے خود ان کی اپنی زبانی سفاکی کی اس دلخراش داستان کو سمجھا جاسکتا ہے۔